Infrared radiation (අධෝරක්ත කිරණ ) ගැන දැනගමු

අදනම් මම ලියන්නෙ app එකක් ගැනවත් මමයි අපේ රන්දිකයයි හදපු මොකක් හරි ජිල්මාට් එකක් ගැන වත් නෙමෙයි ගොඩාක් කාර්ය වලට ප්‍රායෝගිකව භාවිතා කරන/භාවිතා කරන්න පුළුවන් කිරණ විශේෂයක් වන අධෝරක්ත කිරණ ඒ කියන්නේ infrared radiation. ඔයාලා දන්නවානෙ අපේ පියවි ඇහැට රතු වර්ණයට වඩා පහල සංඛ්‍යාත තියෙන කිරණ වර්ග පෙනෙන්නේ නෑ කියලා ඉතින් මේ රතු වර්ණයට වඩා පහල සංඛ්‍යාත තියෙන අපේ පියවි ඇහැට නොපෙනෙන තරංග පරාසය තමයි අපි අධෝරක්ත කිරණ විදිහට හදුන්වන්නේ. රත් වුනු වස්තු වලින් මේ අධෝරක්ත කිරණ නිකුත් වන නිසාත් මේ කිරණ අපේ ඇඟට වැටුනහම රස්නෙ ගතියක් දැනෙන නිසාත් මේ අධෝරක්ත කිරණ තාප විකිරණය විදිහටත් හඳුන්වනවා (ලු).

දැන් අපි මේ අධෝරක්ත කිරණ වල භාවිතා ගැන බලමු.
මේ අධෝරක්ත කිරණ වල භාවිතා වලට හොඳම උදාහරණය තමයි ඔයාලගෙ TV remote control එක. ඔයාලා TV remote control එක දිහා හොඳට බැලුවොත් පෙනෙයි ඒකෙ ඉස්සරහ පොඩි LED එකක් තියෙනවා ඒකට කියන්නේ IR LED කියලා (සමහර remote control වල නම් මෙක පෙනෙන්නේ නෑ) ඉතින් ඒ LED එක ඔයාගෙ ඇහැ දිහාවට හරවාගන ඔයා කැමති button එකක් ඔබලා බලන්න ඒ LED එක දැල්වෙනවා වෙනවා පෙනෙන්නේ නෑ නේද? දැන් ඔයාගෙ mobile phone එකේ කැමරාව on කරලා කලින් විදිහටම remote control එකේ කැමති button එකක් ඔබලා ඒක කැමරාව හරහා බලන්න. ඒක දැල්වෙන හැටි පේනවා නේද? හරි දැන් අධෝරක්ත කිරණ වල තවත් භාවිත ටිකක් බලමු. මේ තියෙන්නේ cctv කැමරා, සමහර සෙල්ලම් භාන්ඩ , night vision කැමරා , යුධ උපකරණ එවාගෙන් කොටසක්.

ඒ දේවල් අතරිනුත් මගේ හිත ගියේ cctv වල භාවිතය ගැන

ඉතින් මේ cctv වල අධෝරක්ත කිරණ භාවිතය හරිම අපූරු දෙයක්. ඒ කියන්නේ මම කලින් කිවුවා මතකයිනේ මේ අධෝරක්ත කිරණ අපේ ඇසට පෙනෙන්නේ නෑ කියලා ඉතින් මේ සංසිද්ධිය ගැනගොඩාක් අපූරුවට හිතපු cctv කැමරා නිර්මාණකරුවෝ මේ කැමරාව අදුරු අවස්ථා වල ක්‍රියාත්මක වෙලා තියෙනකොට කැමරාවට අවශ්‍ය ආලෝකය ලබාගන්න සාමාන්‍ය LED වෙනුවට මේ IR LED යොදාගෙන තියෙනවා. දැන් වැඩේ තේරුනානෙ එතකොට රෑට මේ කැමරා තියෙන තැනක මොකක්හරි හොර වැඩකට හොරෙක් ගියොත් හොරා එකෙන්ම මාට්ටු. මොකද හොරාට කැමරාව නොපෙනුණාට කැමරාවට හොරාව පෙනෙනවා. 😁 ඒ නිසා උඹලත් රෑට හොරකමේ යනකොට මතක ඇතුව phone ඓකේ කැමරාව on කරගෙන පලයල්ලා.... 😂😂😂 පොඩි විහිලුවක් ඈ ගනන් ගන්න එපා.

ඉතින් එහෙනම් මම ගියා මේ ලිපියේ තව කොටසක් ලබන පාර දාන්නම් (පොඩි remote control කෑල්ලක් එහෙම හදන හැටි)